ذبیح‌الله مجاهد، سخنگوی حکومت طالبان، در واکنش به اظهارات اخیر وزیران کشور پاکستان و تاجیکستان، قاطعانه اعلام کرده است که هیچ گروه مسلح خارجی در افغانستان فعالیت نمی‌کند و نیروهای این حکومت بر تمامی مناطق کشور تسلط کامل دارند. وی در گفت‌وگو با طلوع‌نیوز افزود که ادعای حضور گروه‌های مسلح در افغانستان، موضوع تازه‌ای نیست و حتی پیش از بازگشت دوبارهٔ طالبان به قدرت نیز مطرح می‌شد.

این اظهارات پس از آن صورت می‌گیرد که وزیران کشور پاکستان و تاجیکستان، در حاشیهٔ نشست سازمان همکاری شانگهای، مدعی شده بودند که حضور «گروه‌های ت‍.‍روریستی» در افغانستان موجب بروز نگرانی‌های امنیتی برای کشورهای همسایه شده است.